Mòr-rionnagan pop a’ dùnadh nam Parailiompaics
Bha seinn air an tachartas dùnaidh na 'mhòr-urram' dha
Rhianna
Thug cuid de na rionnagan mòra ann an saoghal a' chiùil na
Geamannan Parailiompaic gu crìch an-raoir ann an tachartas mòr
innteannach is tarraingeach.
Chliuch Coldplay, Rhianna is Jay Z air beulaibh luchd-èisteachd
thoilichte, agus las lasraichean, leusan lasrach is teine mòr am
Pàirce Oiliompaigeach ann am Fèis Theine.
"Is e fìor urram a th'ann a bhith aig na Parailiompaics. Is e
gaisgich a tha anns na lùth-chleasaichean sin agus tha iad air-leth
brosnachail," arsa Rhianna.
Thuirt Chris Màrtainn bho Coldplay: "'S e fìor uram a bh'ann
dhuinn cothrom fhaighinn pàirt a ghabhail anns an tachartas dùnaidh
seo ann an Lunnainn.
"B'e seo aon de na h-oidhcheannan as motha a bha nar beatha agus
bha sinn airson fìor chuirm math a dhèanamh airson Lunnainn 2012 a
dhùnadh ann an stoidhle."
Anns an tachartas bha seallaidhean annasach a' toirt a-steach
còrr is 1,000 neach, nam measg cluicheadairean ciorramach a
dh'ionnsaich sgilean siorcas airson an tachartas.
Thug an luchd-èisteachd fàilte mhòr dha luchd-giùlain bratach
Bhreatainn - ruitheadair cathair-cuibhle Dàibhidh Weir agus an
rothadair Sarah Storey, gach cuid a choisinn ceithir buinn òr -
agus nan cois cleasaichean bho gach dùthaich.
Nuair a thàinig an tachartas gu crìch, thug mayor Lunnainn Boris
Johnson am bratach Oiliompaigeach dha mayor Rio, far am bi
Geamannan 2016 a' dol air adhart.
Chaidh an lasair mu dheireadh an uairsin a chur bhon teine
Parailiompaigeach gu lasair Parailiompaigeach, a chaidh a
chleachdadh airson na ceudan lasraichean a bha ann an làmhan
luchd-com-pàirt air feadh an làraich, a lasadh. Nochd fuarain bho
àrd-ùrlaran cruinn gus am Lasair Parailiompaigeach a chur às.
Le cleasan-teine soilleir a las suas a' Phàirce Oiliompaigeach,
thug seo cùisean gu crìch.
Mòr-rionnagan pop a’ dùnadh nam Parailiompaics
Is e dìreach an dreachd goirid den sgeulachd seo a tha ri
fhaighinn anns a' Ghàidhlig. Cliog air a' phutan What? gu h-àrd gus
an dreachd seo a leughadh.