Na milleanan dha Malawi
Alba gu bhith toirt £5.6m gus cuideachadh a thoirt dha
daoine ann an aon de na dùthchannan as bochda a tha an
Afraga
Thèid na milleanan den airgead againn a chosg airson a bhith a'
cuideachadh le bhith ag atharrachadh beathan bhoireannaich is
chloinne a tha a' fuireach còrr is 8,000 mìle air falbh ann am
Malawi.
Thairis air na trì bliadhna a leanas, bheir Riaghaltas na h-Alba
seachad £5.6 millean gu h-iomlan airson pròiseactan anns an
dùthaich Afraganach sin.
Thèid an t-airgead a chleachdadh airson a bhith a' cuideachadh
tuathanaich boireann, ag adhartachadh sgoiltean Malawi, a' teagasg
sgilean ùra do luchd-obrach lèigheil, agus a' misneachadh barrachd
bhoireannaich gu bhith an sàs ann am poileataics.
"Tha dàimh shònraichte aig Alba ri Malawi, far a bheil cuid de
na daoine as bochda a th'air an t-saoghail," arsa Fiona Hyslop bho
Riaghaltas na h-Alba.
Rinn na ceudan de sgoilearan na h-Alba na ceanglaichean aca
fhèin ris an dùthaich, a' dèanamh co-obrachadh le sgoiltean
com-pàirt agus a' togail airgead tro thachartasan carthannais.
Mar eisimpleir, tha oileanaich aig Acadamaidh Fortrose air a'
Ghàidhealtachd, ag obair gu cruaidh gus airgead a thogail airson
sgoil ann am Mulanje, Malawi, a chuideachadh le bhith a' togail
talla coimhearsnachd ùr.
Tha cèilidhean, suipearan Burns, reic chèicichean agus eadhon
suidhe pheataichean air a bhith a' cuideachadh gus airgead a
thogail dha sgoilearan airson tadhal air Mulanje agus cuideachadh
le bhith a' togail an togalach ùr.
Tha mòran de sgoilearan na h-Alba air siubhal gu Malawi gus
coinneachadh ris na sgoilearan com-pàirt aca agus gus faicinn
dhaibh pèin dè an seòrsa beatha a tha air taobh a-deas Afraga. Thar
na seachd bliadhna a dh'fhalbh, tha còrr is 40 oileanach bho
Acadamaidh Fortrose air pàirt a ghabhail ann an trì tursan
eadar-dhealaichte. Tha turas eile gu bhith a' dol air adhart an
ath-mhìos.
A bheil ceangal eadar an sgoil agadsa agus Malawi? Innis
dhuinn mu dheidhinn air ar fòram deasbaid
an seo.
Cliog an
seo gus feuchainn air ar ceisneachadh mu Malawi
Beachdan is molaidhean leasain
Thig is lean Naidheachdan an Daily What air ar buidheann
Facebook
Na milleanan dha Malawi
Is e dìreach an dreachd goirid den sgeulachd seo a tha ri
fhaighinn anns a' Ghàidhlig. Cliog air a' phutan What? gu h-àrd gus
an dreachd seo a leughadh.